📝📝အာဆင်နယ် 🎭

အာဆင်နယ်

လွန်ခဲ့တဲ့ အပတ်က အာဆင်နယ်ရဲ့ မဟာပြိုင်ဘက်

မန်ချက်စတာ ယူနိုက်တက်ကို ၃-၁ ဂိုးနဲ့ ရှုံးနိမ့်အပြီး အခုထိ စိတ်ထဲမှာ တနုံနုံဖြစ်နေဆဲပါ။

ပြန်လည် သုံးသပ်ကြည့်ရရင်တော့ မန်ယူဟာ အရမ်းကောင်းလို့ နိုင်ခဲ့တာမျိုးလဲ မဟုတ်ပါဘူး

ဒါပေမဲ့ ဗျူဟာကျကျကစားနိုင်ခဲ့ပြီး အာဆင်နယ်ရဲ့ အားနည်းချက်တွေကို ကောင်းကောင်းအသုံးချနိုင်ခဲ့ပါတယ်။

မာတင်နယ်လီရဲ့ ဦးဆောင်းဂိုးကို VAR နဲ့ ပယ်ဖျက်ခဲ့တာ၊ မန်ယူကွင်းလယ်နဲ့ နောက်တန်းကစားသမားတွေရဲ့ ခပ်ကြမ်းကြမ်းကစားပုံတွေကို ကွင်းလယ်ဒိုင်အနေနဲ့ မသိကျိုးနွံပြုခဲ့တာတွေနဲ့ ပတ်သတ်လို့တော့ သိပ်ပြောစရာမရှိပါဘူး..

အာဆင်နယ်အနေနဲ့ ဒိုင်နဲ့ VAR ဆိုတာပြိုက်ဖက်အသင်းရဲ့ အခွင့်အရေးတစ်ခုသာလို့ပဲ မှတ်ယူပြီး နောက်ပွဲတွေမှာ ပိုကြိုးစားသင့်ပါတယ်။

ထားတော့.. အာဆင်နယ်ရဲ့ အားနည်းချက်တွေအကြောင်းပဲ ပြန်သွားရအောင်..

ကျွန်တော်အနေနဲ့တော့ အာဆင်နယ်ရဲ့ အားနည်းချက် ၂ ချက်ကိုပဲ ပြေးမြင်မိပါတယ်။

၁။ ကွင်းလယ်ခံစစ်

အာဆင်နယ်အတွက် ကွင်းလယ်ခံစစ်သမားအတွက် ရွေးချယ်စရာ ဆမ်ဘီကလွဲလို့ မရှိပါဘူး..

အမှန်ဆိုရင်တော့ ပါတေးနဲ့ အယ်နီနီ ဒဏ်ရာရသွားအပြီးမှာ စျေးကွက်မှာ လှုပ်ရှားဖို့ အချိန်လုံလုံလောက်လောက်ရခဲ့ပါတယ်..

ရေရှည်အတွက် ကစားသမားခေါ်ဖို့မလွယ်ရင်တောင် ရေတို အငှားနဲ့ခေါ်လို့ရနိုင်တဲ့ ကစားသမားတွေ စျေးကွက်မှာ ရနိုင်သူတွေအများကြီးပါ။

ဥပမာ.. ဂျူဗီက အာသာမယ်လို၊ ဇာကာယီယာ၊ ပီအက်ဂျီက ပါရီဒက်စ်၊ လက်စတာက ယူရီတယ်လိမန်း၊ အက်စတွန်ဗီလာက ဒေါက်ကလပ် လူးဝစ်စ

ဒီနေရာမှာ တစ်ခုပြောချင်တာက ဒေါက်ကလပ် လူးဝစ်စ်ကို ၃ ချိန်တိုင်းကမ်းလှမ်းမှု ပယ်ချခံခဲ့ရတဲ့အကြောင်းပါ။

အာဆင်နယ်အနေနဲ့ လိုအပ်ချက်နဲ့ ကိုက်ညီတဲ့ကစားသမားကိုရရှိဖို့ စျေးကွက်မှာ ကြိုးစားခဲ့ရဲ့သားနဲ့ ဟိုဘက်အသင်းက မရောင်းလို့ ကွင်းလယ်ကို မဖြည့်တင်းနိုင်ခဲ့တာပါ..ဆိုတဲ့ ဆင်ချေပေးလို့ရအောင်ကမ်းလှမ်းမှုလုပ်ခဲ့တာလို့ပဲ မြင်ပါတယ်…

ဘာကြောင့် ဒီလိုပြောရသလဲဆိုရင် စျေးကွက်ပိတ်ခါနီးအချိန်မှ ကမ်းလှမ်းမှု စတင်ပြုလုပ်ခဲတာ၊ ဟိုဘက်က စတင်ကမ်းလှမ်းခံရကတည်းက စျေးကြောင့်မဟုတ်ပါဘူး ဒီကစားသမားက သူတို့အသင်းမှာ လိုအပ်တဲ့သူမလို့ မရောင်းနိုင်ဘူးဆိုပြီး အပြတ်ငြင်းထားတာတောင်မှ အချိန်ကုန်ခံပြီး ၂ ကြိမ်ထပ်မံကမ်းလှမ်းခဲ့တဲ့လုပ်ရပ်တွေကိုကြည့်ရင် သိနိုင်ပါတယ်။ (သတင်းတက်ရုံ ကမ်းလှမ်းမှုမျိုး)

စျေးကွက်ပိတ်သွားချိန် ကွင်းလယ်လူ တစ်ယောက်မှမရောက်လာကတည်းက ဒီရာသီလဲသွားပြန်ပြီဆိုတဲ့ ခံစားမှုမျိုးရခဲ့ပါတယ်။

အာဆင်နယ် ပရိတ်သတ်တစ်ယောက်အနေနဲ့ အများကြီးမတောင်းဆိုပါဘူး စျေးသင့်တဲ့ ကွင်းလယ်ခံစစ်သမား တစ်ယောက်ထဲခေါ်ပေးဖို့မျှော်လင့်မိခဲ့တာပါ။

အခုတော့ အရေးရယ်အကြောင်းရယ်ဆို ဆမ်ဘီလိုကွန်ဂါနဲ့ ဘာတွေဖြစ်ကုန်ပီလဲဆိုတာ မျက်မြင်ပါပဲ။

ဆမ်ဘီအနေနဲ့ အဆိုပါပွဲမှာ တော်တော်လေးကျိုးစားပန်းစား ကစားထားတာကိုလဲတွေရပါတယ်။ သူ့အပြစ်လို့ ပုံချလို့တော့မရသလို အကောင်းမွန်ဆုံး ကစားပေမဲ တစ်ခါထဲမှားတာပါလို့ ဆင်ခြေပေးလို့လဲ မရပြန်ပါဘူး။

အသင်းကြီးတွေနဲ့ ရင်ဆိုင်ရတဲ့အခါ အမှားတစ်ခုက အဆုံးအဖြတ်ဖြစ်သွားနိုင်ပါတယ်။

၂။ အာတီတာရဲ့ ဗျူဟာ

ချေပဂိုး ရတဲ့အချိန် မိနစ် ၆၀ ကျော်ထိ အာဆင်နယ်ရဲ့ ကစားပုံဟာ အတော်လေးကောင်းမွန်ခဲ့တာကိုတွေ့ရပါတယ်။ ဆာကာရဲ့ဂိုးရအပြီးမှာ ကျွန်တော့အနေ့နဲ့ ထိမ်းဆော့ပြီး အနိမ့်ဆုံး သရေရလာဒ်နဲ့ အဆုံးသတ်စေချင်ခဲ့တာပါ။

ဒါပေမဲ့ အာတေတာဟာ ယုံကြည်မှုလွန်ကဲသွားပုံရပါတယ်။ တိုက်စစ်ကို အတင်းပုံဖော်ကစားတော့ ကွင်းလယ်နဲ့ ခံစစ်မှာ ဟာကွက်တွေအများကြီးပေါ်လာခဲ့ပြီး တစ်ဖက်အသင်းရဲ့ ကောင်တာဂိုးကို ခွင့်ပြုခဲ့ရပါတယ်။

အာတေတာ အနေနဲ့ နောက်ထပ်အမှား ထပ်ကျူးလွန်ခဲ့တာကတော့ ကွင်းလယ်နဲ့ ခံစစ်ကစားပုံကို ပိုပျက်သွားစေနိုင်တဲ့ လူစားလဲမှုမျိုး ထပ်မံပြုလုပ်ခဲ့တာပါ။ တိုက်စစ်အားသန် ကစားသမား၃ ဦးထိ လူးစားဝင်ကစားစေခဲ့တာက နောက်ထပ် ကောင်တာဂိုးထပ်မံ ခွင့်ပြုခဲ့ရတာပဲဖြစ်ပါတယ်။ အသင်းငယ်တွေနဲ့တွေ့ရင်တော့ အဆိုပါ လူစားလဲမှုမျိုးက အလုပ်ဖြစ်နိုင်ပေမယ့် အသင်းကြီးကြီးအချင်းချင်းတွေ့ဆုံမှုမှာတော့ ဂိုးပြတ်ရှုံးပွဲကို ပိုမိုဦတည်စေခဲ့ပါတယ်။

အကယ်၍သာ ၁-၁ အခြေအနေမှာ ပွဲကို ရှေ့နောက်မျှတအောင် ကစားကွက်ပြောင်းခဲ့ရင် အနိုင်ရတဲ့အထိ ဖြစ်သွားနိုင်ပါတယ်။

၂-၁ အနေအထားမှာတောင် ထိမ်းဆော့သင့်ပေမယ် အာတေတာက မိုက်မဲတဲ့ စွန့်စားမှုပြုလုပ်ခဲ့ပြီး ဂိုးပြတ်ရှုံးနိမ့်ခဲ့ရပါတယ်။

တချို့ကတော့ အာဆင်နယ်သာ နိုင်ခဲ့ရင် အဲလိုပြောမှာမဟုတ်ပါဘူးကွာ..လို့ ပြောကောင်းပြောနိုင်ပါတယ်..

ဒါပေမဲ့ ကိုယ့်အသင်းက လူစုံမပါနိုင်တဲ့အချိန် အထူးသဖြင့် ကွင်းလယ်ကျောရိုးဖြစ်တဲ့ ပါတေး မပါနိုင်တဲ့ အချိန်မှာတော့ မိုက်မဲတဲ့ စွန့်စားမှုတစ်ခုပါလို့ တစ်ထစ်ချ ပြောနိုင်ပါတယ်။

ကျွန်တော် အစောကတည်းက ပြောခဲ့ပါတယ် ကွင်းလယ်လူ ဖြည့်တင်းမှုက ဒီရာသီ အာဆင်နယ် ဘယ်အဆင့်မှာ ရပ်တည်နိုင်မလဲဆိုတာ အဆုံးအဖြတ်ပေးသွားမှာပါလို့…

မနှစ်က ပါတေးနာသွားတဲ့အချိန်မှာ ဘယ်လိုရလဒ်တွေရခဲ့လဲဆိုတဲ့ သင်ခန်းစာ ရခဲပြီးပါပြီ။ ဒါကိုလဲ အာတေတာနဲ့ အီဒူးတို့ဟာ အမှတ်မရှိသေးပါဘူး။…

ရှေ့လာမဲ့ ပွဲကျပ်ကာလတွေမှာလဲ ပရိတ်သိတ်တွေ ရင်ဆီးခံစားကြရဦးမှာမို့ ဂန်းနားတွေအားလုံးကို ဖိုက်တင်းပါလို့…..